«Барселона» президенти Хосеп Мария Бартомеу қонун олдида жавоб берадиган бўлди.
Мулозим ҳужумчи Неймарнинг «Сантос» клубидан трансфер қилиниши билан боғлиқ фирибгарлик бўйича очилган жиноят иши юзасидан суд маҳкамасига чақирилади, деб хабар бермоқда Goal.
Эслатиб ўтамиз, Неймарнинг 40% трансфер ҳуқуқига эгалик қилган DIS инвестиция фонди футболчи, унинг отаси ва «Барселона» клубини фирибгарликда айбламоқда. Компания раҳбариятининг даъвосига кўра, унинг трансфер нархи кескин пасайтириб кўрсатилган, натижада фонд ўзига тегишли бўлган улушни жуда кам миқдорда олган.
Аввалроқ, Неймар ва унинг вакиллари бу можаро юзасидан судда жавоб бериши белгилаб қўйилганди. Энди Бартомеуга ҳам фирибгарлик айблови қўйилади.
