Ispaniya matbuoti «Real» ustozi Zayniddin Zidanni tanqid ostiga olib, uni «Barselona»dan uchralgan mag‘lubiyatda bosh aybdor, deb hisoblashmoqda.
Jumladan, AS gazetasi jarohati sababli bir hafta o‘ynamagan Garet Beylning asosiy tarkibda tushirilishini qoralagan. Uelslik futbolchi natijada birinchi bo‘limning o‘zidayoq mushaklaridan jarohat olib, maydonni tark etdi.
Shuningdek, nashrning yozishicha, Zidan barcha masalani hal qilgan «Barsa» hujumchisi Lionel Messini zararsizlantirish haqida o‘ylamagan. Marca gazetasi esa yarim himoyachi Iskoning maydonda emasligini tushunmagan. Isko oxirgi o‘yinlarda o‘zini har tomonlama yaxshi ko‘rsatayotgandi.
Nashrning fikricha, tanaffusdan so‘ng Zidan qo‘llagan sxema jamoaning ikkinchi bo‘limdagi o‘yinlariga salbiy ta’sir qilgan. Sport.es nashri esa Zidanda taktik hozirjavoblik yo‘qligini yozgan.
