“Qizilqum” – “Nasaf” 1:1 uchrashuvi yakuniga yetkach, jamoamiz ustozi Ro‘ziqul Berdiyev o‘yin haqidagi fikrlari bilan o‘rtoqlashdi.
-Bugun futbolchilarimiz maydonda yaxshi o‘yin namoyish etishdi. Ammo natija qoniqarsiz bo‘ldi. “Qizilqum” jamoasi ham kuchli o‘yin namoyish etdi. Bizning maqsadimiz bugun g‘alaba qozonish edi. Afsuski bunga erisha olmadik.
Birinchi bo‘lim boshida darvozamizdan gol o‘tkazib yuborgach, ko‘proq himoyaga e’tibor qaratdik. Ikkinchi bo‘limda hisobni tenglashtirgach, yana hujumlarga zo‘r berdik. Oqibatda gol urish uchun vaziyatlarga ham ega bo‘ldik. Afsuski bu imkoniyatlardan foydalana olmadik. Aslida bugun g‘alabaga haqliroq edik.
