“Қизилқум” – “Насаф” 1:1 учрашуви якунига еткач, жамоамиз устози Рўзиқул Бердиев ўйин ҳақидаги фикрлари билан ўртоқлашди.

-Бугун футболчиларимиз майдонда яхши ўйин намойиш этишди. Аммо натижа қониқарсиз бўлди. “Қизилқум” жамоаси ҳам кучли ўйин намойиш этди. Бизнинг мақсадимиз бугун ғалаба қозониш эди. Афсуски бунга эриша олмадик.

Биринчи бўлим бошида дарвозамиздан гол ўтказиб юборгач, кўпроқ ҳимояга эътибор қаратдик. Иккинчи бўлимда ҳисобни тенглаштиргач, яна ҳужумларга зўр бердик. Оқибатда гол уриш учун вазиятларга ҳам эга бўлдик. Афсуски бу имкониятлардан фойдалана олмадик. Аслида бугун ғалабага ҳақлироқ эдик.