O‘zbekistonlik bokschilarning g‘alabalari bilan yakuniga yetgan dushanba kungi dasturda jami 38 ta jang bo‘lib o‘tdi.

46 49 kg, 56 kg, 64 kg, 75 kg, hamda 91 kg vazn toifasida so‘nggi saralash janglarida 19 nafar bokschi chorak final yo‘llanmasini qo‘lga kiritdi.

Ushbu bahslarda besh nafar hamyurtimiz muvaffaqiyatli ishtirok etishdi.

49 kilogrammgacha bo‘lgan vaznda ringga chiqqan hamyurtimiz Hasanboy Do‘smatov chempionatdagi yurishini g‘alaba bilan boshladi. Uch raund davom etgan bahsda terma jamoamiz vakili Shri Lankadan tashrif buyurgan Tivanka Pallehani mutloq ustunlik bilan mag‘lub etdi.

Murodjon Ahmadaliyev (56 kg) turkmanistonlik Shodlikmurod Murodov bilan jang o‘tkazdi. Hamyurtimizning ustunligi bilan boshlangan jangning birinchi raunddayoq o‘z nihoyasiga yetdi. Ketma-ket zarbalarni o‘tkazib yuborgan turkmanistonlik bokschi texnik nokautga uchradi.

64 kilogramm vazn toifasida ringga ko‘tarilgan o‘zbekistonlik bokschi Iqboljon Xoldorov Hindiston vakili Ashishga qarshi jang olib bordi va ishonchli tarzda g‘alaba qozondi.

75 kilogramm vaznda mamlakatimiz sharafini himoya qilayotgan Isroil Madrimov Falastin vakili Qosim Abudabaatni osonlik bilan 35 soniyada taslim etildi. Sanjar Tursunov (91 kg) esa janubiy koreyalik Hyonkyu Kimni mag‘lub etdi.