«Real» hujumchisi Krishtianu Ronaldu YECHL yarimfinalida «Atletiko» (3:0) darvozasiga 3ta gol urdi.

Shundan so‘ng, «Real» rasmiy sayti futbolchini jamoa safida urgan 400ta gol bilan tabrikladi. Hatto prezident Peres unga 400 raqami yozilgan futbolkani ham sovg‘a qildi.

Ammo rasmiy statistikaga ko‘ra, ayni paytda Krishtianuning hisobida 400 emas, balki 399 gol bor. Gap shundaki, 2010 yil sentyabr oyida, «Real Sosyedad»ga (2:1) qarshi o‘yinda Ronaldu jarima zarbasidan gol urgan edi. Biroq, to‘p Pepega tegib, yo‘nalishini o‘zgartirib, darvozadan joy olgani sababli, rasmiy bayonnomada u Pepening hisobiga yozilgan. «Real» golni Ronaldu urgan deb hisoblashiga qaramay, rasmiy ma’lumotlarda u Pepening nomida turibdi.

Shuning uchun ham, Ronaldu hisobida rasman 399ta gol bor.