«Реал» ҳужумчиси Криштиану Роналду ЕЧЛ яримфиналида «Атлетико» (3:0) дарвозасига 3та гол урди.

Шундан сўнг, «Реал» расмий сайти футболчини жамоа сафида урган 400та гол билан табриклади. Ҳатто президент Перес унга 400 рақами ёзилган футболкани ҳам совға қилди.

Аммо расмий статистикага кўра, айни пайтда Криштианунинг ҳисобида 400 эмас, балки 399 гол бор. Гап шундаки, 2010 йил сентябрь ойида, «Реал Сосьедад»га (2:1) қарши ўйинда Роналду жарима зарбасидан гол урган эди. Бироқ, тўп Пепега тегиб, йўналишини ўзгартириб, дарвозадан жой олгани сабабли, расмий баённомада у Пепенинг ҳисобига ёзилган. «Реал» голни Роналду урган деб ҳисоблашига қарамай, расмий маълумотларда у Пепенинг номида турибди.

Шунинг учун ҳам, Роналду ҳисобида расман 399та гол бор.