«Liverpul» klubi va Angliya terma jamoasi sobiq hujumchisi Maykl Ouen «Chelsi» rahbariyati tomonidan olib borilayotgan transfer siyosatini yana bir bora maqtab, o‘z hayratini yashirmadi. Xabaringiz bor, albatta, «ko‘klar» qishda braziliyalik yarim himoyachi Oskarni naq 60 mln. yevroga pullashdi.
Inglizlar bosh jamoasida yorqin iz qoldirgan Maykl bu holatni Twitterdagi shaxsiy sahifasida quyidagicha izohlagandi: «Qo-yilman. «Chelsi» vakillari bunday samarali biznesni qanday uddalash-yapti? Klub shunday darajadagi transferga qo‘l urishi mumkinligini hech qachon o‘ylamagandim. Qarang, londonliklar futbolchilarni bitta muayyan narxda sotib olib, ularni ikki hissa qimmatiga pullashyapti». «Sovetskiy sport» nashri uning naqadar haq ekanligini anglatish maqsadida London klubi tarixidagi eng foydali kelishuvlarni esga oldi.
Aryen Robben
Angliya klubi Gollandiya terma jamoasi tarixidagi eng yaxshi futbolchilardan birini 2004 yili sotib oldi. Hujumkor yarim himoyachining APLga yo‘l olishi uchun PSVga 22 mln. yevro to‘landi. Aryen garchi jarohat sabab, mavsum boshida maydonga tusholmagan bo‘lsada, yangi jamoadagi ilk yil davomida binoyidek taassurot qoldirdi. Xususan, «Chelsi» tarkibidagi debyut o‘yini - («Everton»ga qarshi)da eng yaxshi futbolchi maqomini olgan golland keyinchalik APL bo‘yicha oy laureatiga aylandi. Umuman olganda, Robben London jamoasining jami 104ta o‘yinida qatnashib, 18ta gol urdi va yana 24ta samarali «pas»ga mualliflik qildi. 2007 yilga kelib, londonliklar uni «Real»ga sotishdi - transfer narxi 36 mln. yevroni tashkil etdi. Aryen yana 2 yildan keyin Myunxen «Bavariya»si vakiliga aylandi va hanuz bundesliga grandida muhim rolga ega. Aytgancha, «Real» uning uchun 24 mln. yevro olgandi.
Xarid narxi: 24 mln. yevro
Sotilgan narxi: 36 mln. yevro
O‘rtadagi farq: +12 mln. yevro
Xuan Mata
Ushbu yarim himoyachi hech qachon Ispaniya milliy jamoasining asosiy futbolchilari qatoriga qo‘shilgan emas. Ehtimol, bu borada Xuanning shunchaki, omadi yurishmagandir. Axir u «Qizil furiya» safidagi faoliyatini boshlagan payt Xavi va Andres Inyesta kabi aslar chinakamiga nur sochishayotgandi. Muhimi shuki, bu holat Mataning Angliya chempionatida eng yaxshi futbolchilardan biriga aylanishiga xalaqit bermadi. Ispan yigiti «Chelsi» safiga 2011 yili «Valensiya»dan o‘tgandi - 26 mln. yevro evaziga. «Stemford Brij»da 3 yil to‘p surganidan keyin esa «ko‘klar» bilan xayrlashishiga to‘g‘ri keldi. Bu «Real»dan qaytgan Joze Mourinyoning istagi edi. Eng asosiysi, «aristokratlar» futbolchi transferi uchun «Manchester Yunayted»dan 44 mln. yevro sanab olishdi. Mana, Mata oxirgi 3 yildan buyon «Yunayted»da barqaror o‘ynamoqda. Uning «Chelsi»dagi statistikasi esa shunchaki, zo‘r - 135ta o‘yin, 46ta gol va 52ta samarali «pas».
Xarid narxi: 26 mln. yevro
Sotilgan narxi: 44 mln. yevro
O‘rtadagi farq: +18 mln. yevro
Andre Shyurrle
Iqtidorli yarim himoyachi|hujumchi 2013 yili «Chelsi» libosiga burkandi. London klubi uning transferi uchun «Bayer» (Leverkuzen)ga 22 mln. yevro to‘ladi. Biroq Germaniya terma jamoasi vakili ming urinsada, boshlang‘ich tarkibga kirolmadi. Chunonchi, bu yo‘ldagi raqobatda kimsan Eden Azardan ustun kelishi talab etilardi. Boz ustiga, uning boshiga ham Mata qismati tushdi. Ya’ni janob Mourinyoning rejalarida Shyurr-lega ham joy topilmadi. Shunga qaramay, «ko‘klar» bu futbolchi bilan xayrlashishda foyda ko‘rishdi. Aniqrog‘i, uni 2015 yili 32 mln. yevroga pullashdi. Vaholanki, Andre «Stemford»da hech qachon asosiy tarkib o‘yinchisi bo‘lgan emasdi. Raqamlarda ifoda etsak, nemis yigiti 2 yil davomida «Chelsi»ning 65ta o‘yinida ishtirok etib, 14ta gol urgan va 3tasiga hammualliflik qilgandi.
Xarid narxi: 23 mln. yevro
Sotilgan narxi: 32 mln. yevro
O‘rtadagi farq: +9 mln. yevro
Romelu Lukaku
«Chelsi» hozirda 2015 yili yosh hujumchi Romelu Lukaku bilan xayrlashgani tufayli rosa afsuslanayotgan bo‘lsa, ajabmas. Axir ayni payt «Everton» uchun tinmay gol urayotgan Belgiya terma jamoasi vakili eng sara grandlar e’tiborida turibdi - «Yuventus», «Bavariya», «Atletiko»... Umuman, ko‘plab katta klublarning belgiyalik goleador o‘yinlarini diqqat bilan kuzatayotganiga shubha yo‘q. Lukakuning hamon «Everton»da o‘ynayotgani faqat va faqat katta transfer narxi bilan bog‘liq. Angliya OAV avvalroq Liverpul klubi o‘z hujumchisi uchun taxminan 60 mln. yevro so‘rayotgani xususida xabar bergandi. Oxirgi mahsuldor o‘yinlari va talabning kuchayib borayotgani samarasi o‘laroq, uning bahosini yanada oshirgan bo‘lsalar kerak. Eslatish joiz, Lukaku ham klubdan Mourinyo xohishiga ko‘ra, haydalgan edi. To‘g‘rirog‘i, londonliklar
