Toshkentda davom etayotgan boks bo‘yicha 29-Osiyo chempionatida bugundan final bahslariga start beriladi. Bugun 5ta vaznda bahslar bo‘lib o‘tdi. Final janglaridan tashqari, chorak finalda yutqazgan bokschilar o‘rtasida jahon chempionati yo‘llanmasi uchun janglar ham o‘tkaziladi. Eslatib o‘tamiz, har bir vaznda 6 nafardan sportchi JCHga boradi.

Bugun kunduzgi dasturda 56, 60, 75, kechki dasturda esa 81 va 91 kg.gacha bo‘lgan vazn toifasidagi bokschilar ringga ko‘tarilishadi. Kunduzgi janglar 14:00, kechki dastur esa 18:00da boshlanadi.

Xabaringiz bor, O‘zbekiston terma jamoasining 9 nafar sportchisi final yo‘llanmasini qo‘lga kiritishgan. Faqat 81 kg.dagi bokschimiz Sanjar Tursunov JCH yo‘llanmasi eronlik Salar G‘ulomiy bilan jang olib boradi. Qolgan bokschilarimiz Osiyo chempionligi uchun kurash olib borishadi.

Demak, bugun 4, ertaga 5 nafar o‘zbekistonlik bokschi final bahslarini o‘tkazishadi.

O‘zbekistonlik bokschilarning bugungi janglari haqida ma’lumot berib o‘tamiz.

56 kg. final
14:30. Murodjon Ahmadaliyev (1) — Jang Jiavey (Xitoy, 2)

60 kg. final
15:15. Elnur Abduraimov (2)  — Shiva Tapa (Hindiston, 4)

75 kg. final
16:15. Isroil Madrimov (2)  — Li Dong Yun (Janubiy Koreya, 4)

81 kg. final
18:30. Bektemir Meliqo‘ziyev (1)  — Yerik Aljanov (Qozog‘iston)

91 kg. JCH yo‘llanmasi uchun
19:00. Sanjar Tursunov  — Salar G‘ulomiy (Eron)

Izoh: Janglarning davomiyligi va taqdirlash marosimi tufayli janglarning boshlanish vaqtida o‘zgarish bo‘lishi mumkin.