Bugun biz siz bilan Turin derbisi guvohi bo‘lamiz.

Massimiliano Allegrining “Yuventus”i Sinisha Mixaylovichning “Torino”siga qarshi maydonga tushadi. Bu o‘yinda “Keksa sinyora” yaqqol favorit, ammo mavsumning bu pallasida hamma narsa bo‘lishi mumkin.

“Yuventus” bugun nafaqat favorit, balki A Seriyaning peshqadami sifatida maydonga tushadi. Italiya birinchiligi yakunlashiga 4 ta tur qolganda “Yuve” eng yaqin ta’qibchisi “Roma”dan 9 ochko oldinda bormoqda va katta ehtimol bilan skudettoni boy bermaydi.

Biroq dam olishga hali erta. “Yuventus”ni oldinda “Torino”, “Roma”, “Monako”, Kubok finali va ehtimol Chempionlar Ligasi finali kutib turibdi. Chempionlar Ligasi eng muhim maqsad ekan chempionlikni imkon qadar ertaroq rasmiylashtirish kerak ekanini Allegri shogirdlari juda ham yaxshi bilishadi.

“Torino”ning bu mavsum yevrokuboklarda ishi yurishmadi. Shuning evaziga ular mamlakat birinchiligida yaxshi ko‘rsatkichlarga ega. To‘g‘ri Hart, Balotellidan va uning jamoasidan yaxshiroq natija kutishgan edi. Ammo bu o‘yinda “Torino”ning imkoniyatlari pastroq.

Turin derbisi 23:45 da start oladi. Bosh hakam – Paolo Valeri.