Бугун биз сиз билан Турин дербиси гувоҳи бўламиз.
Массимилиано Аллегрининг “Ювентус”и Синиша Михайловичнинг “Торино”сига қарши майдонга тушади. Бу ўйинда “Кекса синьора” яққол фаворит, аммо мавсумнинг бу палласида ҳамма нарса бўлиши мумкин.
“Ювентус” бугун нафақат фаворит, балки А Сериянинг пешқадами сифатида майдонга тушади. Италия биринчилиги якунлашига 4 та тур қолганда “Юве” энг яқин таъқибчиси “Рома”дан 9 очко олдинда бормоқда ва катта эҳтимол билан скудеттони бой бермайди.
Бироқ дам олишга ҳали эрта. “Ювентус”ни олдинда “Торино”, “Рома”, “Монако”, Кубок финали ва эҳтимол Чемпионлар Лигаси финали кутиб турибди. Чемпионлар Лигаси энг муҳим мақсад экан чемпионликни имкон қадар эртароқ расмийлаштириш керак эканини Аллегри шогирдлари жуда ҳам яхши билишади.
“Торино”нинг бу мавсум еврокубокларда иши юришмади. Шунинг эвазига улар мамлакат биринчилигида яхши кўрсаткичларга эга. Тўғри Ҳарт, Балотеллидан ва унинг жамоасидан яхшироқ натижа кутишган эди. Аммо бу ўйинда “Торино”нинг имкониятлари пастроқ.
Турин дербиси 23:45 да старт олади. Бош ҳакам – Паоло Валери.
