«Barselona» «Manchester Siti» hujumchisi Omar Marmush transferi uchun kurashda yetakchi bo‘lib turibdi. Bu haqda Caught Offside xabar bermoqda.

Manbaga ko‘ra, misrlik futbolchi «shaharliklar» safini tark etishga shoshilmayapti, biroq u ko‘proq o‘yin amaliyotiga ega bo‘lishni istaydi.

«Manchester Siti» esa 27 yoshli forvardni 60–65 million yevro atrofidagi taklif bo‘lsa, sotishga tayyor.

Kataloniyaliklar Marmushni Robert Levandovskiy o‘rnini bosishi mumkin bo‘lgan nomzod sifatida ko‘rmoqda. Polsha terma jamoasi hujumchisi yozda jamoani tark etishi kutilmoqda.

Joriy mavsumda Marmush barcha musobaqalarda 34 ta uchrashuvda ishtirok etib, 8 ta gol va 3 ta golli uzatmaga mualliflik qildi. Uning «Manchester Siti» bilan shartnomasi 2029 yil yoziga qadar amal qiladi. Transfermarkt ma’lumotiga ko‘ra, futbolchining bozor qiymati 60 million yevroga baholanmoqda.