Joriy yilgi oliy liga bahslari ancha o‘zgacha o‘tmoqda. Qaysi ma’nodaki, chempionlik uchun kurashishi kutilgan yetakchi jamoalar holatini sira tushunib bo‘lmayapti. Ular nimani maqsad qilishgan?
Deylik, «Bunyodkor» xuddi avvalgi mavsumdagi kabi xalqaro maydonda faqat ochko ulashmoqda, ichki birinchilikda ham ishlari yurishmayapti. To‘g‘ri, mavsum endi boshlandi, xulosa chiqarishga hali ertadir. Ammo boshqa yetakchi klublarimiz ham xarakter ko‘rsatolmayapti.
«Paxtakor»ni olaylik, klub necha yildirki, yoshlarga tayangan holda, kuchayishga intilmoqda. Ammo ushbu siyosat samarasi ko‘rinmayapti.
Shuningdek, «Olmaliq» va Yuriy Sarkisyan ketgani bo‘yicha o‘zini o‘nglolmayotgan «Neftchi» klublari ham muxlislar ishonchini oqlamayapti. Xayriyatki, «Navbahor», «Dinamo» va «Qo‘qon-1912» kabi jamoalarda oldinga siljish bor. Ehtimol, hozirgi umumiy manzara o‘tkinchidir, ammo fakt shuki, bu milliy jamoamiz o‘yinlariga katta ta’sir qilishi mumkin.
Bir eslang, «Bunyodkor» va «Paxtakor»
