Yevro-2016 yilning norasmiy madhiyasi bag‘ishlangan forvard Uill Grigg «so‘ndi» va Angliya chempionatida sentyabr oxiridan beri gol ura olmayapti.
Shimoliy Irlandiya terma jamoasi o‘yinchisi Uill Grig Fransiyada o‘tgan Yevro-2016da bir daqiqa bo‘lsa-da maydonga tushmadi, ammo eng taniqli figuraga aylandi. Zero, uning ismi turnirning boshqa ishtirokchilariga nisbatan ko‘proq tilga olinardi. Grigg - Yevropa chempionatining norasmiy madhiyasi qahramoni sanalar va bu gimn Shimoliy irlandiyalik muxlislar tomonidan har bir bahsda kuylanardi.
Eslatib o‘tamiz, Uillga internet-buyuklik 2015G‘16 yillar mavsumi oxirida, Yevropa chempionati boshlanishiga oz qolgan vaqtda kelgandi. Hujumchi «Uigan» safida ajoyib tarzda to‘p surdi - 40 bahsda 25 gol urishdan tashqari, jamoasiga Liga-1dan Chempionshipga chiqishga yordam berdi. O‘shanda «Uigan» muxlisi Shon Kennedi YouTubega qo‘shiq kiritib, uni aynan mana shu bombardirga bag‘ishladi. Kennedi 1990-yillarda xitga aylangan Gall Rissato ijrosida aytilgan qo‘shiqqa o‘z so‘zlarini kiritish orqali bu ishni amalga oshirgandi. «Will Grigg`s on fire, your defence is terrified» deb aytiladigan naqoratni esa («Uill Grigg formada, sizning himoyangiz esa nochor») tezda butun Yevropa o‘zlashtirdi. Dastlab, oddiygina qo‘shiqni «Uigan» va Shimoliy Irlandiya fanatlari kuylashdi, alal-oqibat esa hatto raqiblar ham bu bilan «kasallandi».
Masalan, Yevro-2016da Shimoliy irlandiyaliklar bilan uchrashgan «Bavariya» va Polsha futbolchilari kiyim almashtirish xonasida «Will Grigg`s on fire»ni kuylashayotgani tasmaga tushirilgan vediyeni ommaga namoyish qilishdi. Germaniya termasi himoyachisi Mats Xummels bo‘lsa matbuot anjumanida jilmaygancha bugun Uill Grig formadaligini bilish-bilmasligi to‘g‘risidagi savolga javob qaytardi, nemislar bu hujumchidan qo‘rqish-qo‘rqmasliklarini aytdi.
Umuman olganda, Yevropa chempionatining norasmiy madhiyasi «Uigan» hujumchisini yulduzga aylantirdi. Fransiyada o‘tgan turnirda nisbatan muvaffaqiyatli ishtirok etgan Shimoliy Irlandiya termasi vatanga qaytgach esa muxlislar bilan uchrashuv tashkil qildi va unda aynan Griggni hammadan ko‘ra ko‘proq olqishlashdi. Faqatgina bosh murabbiy Maykl O`Nilgagina Uill mavzusi yoqmagan bo‘lsa kerak - «Uchrashuvga tarkibni men tanlayman va aslo muxlislar qo‘shig‘idan kelib chiqib emas», - dedi u nima uchun ko‘pchilik muxlislarning suyuklisiga maydonda biror daqiqa ham to‘p surishga imkon yaratmaganligi to‘g‘risidagi tanqidlarga javob qaytararkan.
Joriy mavsum esa O`Nilning o‘shandagi qarorini tasdiqlayotganday. Aslida ham Griggning nomi bor-yo‘g‘i 2-3 oyda ko‘pchilikning tiliga tushgandi. 25 yoshli Shimoliy irlandiyalik yozdayoq «Uigan»ni nisbatan kuchliroq klubga almashtirishi mumkin edi. Angliya divizionlarining kuchliligi jihatidan 3-o‘rinda turgan jamoaning eng yaxshi bombardiri sifatida, albatta. Jarangdor reklama ham o‘z ishini qildi. UYEFA tomonidan o‘tkazilgan jurnalistlar so‘roviga ko‘ra, Uill Yevropada mavsumning eng yaxshi futbolchilari orasida 25-o‘rinni band etdi - Pol Pogba va Jordjo Kyellini ham shuncha ovoz to‘plashgandi. «Gamburg» muxlislari esa hatto klub rahbariyatiga mazkur futbol folklorining yorqin personajini sotib olish talabi bilan ham chiqishdi. Shunga qaramay, Grigg
