Yevropa chempionlar ligasining yarmi finalning dastlabki javob uchrashuvi Turinda bo‘lib o‘tadi. Monakoda ishonchli g‘alaba bilan qaytgan «Yuventus» endi o‘z uyida final yo‘llanmasini rasmiylashtirish uchun saf tortadi. Tribuna.Uz kun uchrashuviga batafsil to‘xtalib o‘tadi.

«Yuventus» – «Monako»
(9 may, 23:45, UzReport, Match TV, Match! Futbol 1)

Uchrashuvdan oldin

«Monako»
«Monako» Fransiya chempionatida yetakchilikni davom ettirmoqda. Yevropa chempionlar ligasining yarim finali birinchi uchrashuvidagi muvaffaqiyatsizlikdan keyin jamoa chempionat doirasidagi navbatdagi uchrashuvda ham muvaffaqiyat qozondi va «PSJ»dan bitta kam uchrashuv o‘tkazgan holda, ularni uch ochkoga ortda qoldirishda davom etdi. Shuningdek jamoa bu turda kelgusi mavsumda YECHL guruh bosqichida to‘g‘ridan-to‘g‘ri ishtirok etish masalasini ham rasman ijobiy hal qildi.

«Yuventus»
Italiya chempioni bo‘lishga bir qadam qolgan «Yuventus» bu turda Turin derbisida mezbon sifatida o‘ynab o‘z uyidagi 33 uchrashuvdan iborat g‘alabali seriyaga yakun yasadi. Allegri shogirdlari uchrashuvda mag‘lubiyatga uchrashi ham mumkin edi. YECHL birinchi uchrashuvi qahramoni Gonsalo Higuain so‘nggi daqiqalarda kiritgan goli evaziga jamoasiga bir ochko olib berdi. Ammo bu jamoaning chempionlik uchun imkoniyatlariga deyarli hech qanday ta’sir o‘tkazgani yo‘q.

Uchrashuvlar tarixi
2015 yilgi mavsumda «Yuventus» va «Monako» Chempionlar ligasining chorak finalida o‘zaro to‘qnash kelishgandi. «Monako» va Leonardu Jardim o‘sha paytlari o‘ta yaxshi ko‘radigan o‘yin uslubi evaziga taktikaga mos natija qayd etilgan, biroq bu «Monako» foydasiga ishlamagan – Turinda 1:0, Monakoda 0:0. 1998 yilda bo‘lib o‘tgan to‘qnashuv esa yarim finalga to‘g‘ri kelgandi. O‘shanda Turinda 4:1, Monakoda esa 3:2 hisobida mezbonlar g‘alaba qozongan. Tarix ko‘rsatib turibdiki, ikki to‘qnashuvda ham «Yuventus»ning qo‘li baland kelgan. Bu safargi uchrashuvda dastlabki uchrashuvda esa «Yuventus» Gonsalo Higuainning dubli evaziga «Monako» uyidan 2:0 hisobidagi g‘alaba bilan qaytdi.

Qiziqarli faktlar
—«Yuventus» fransuz klublariga qarshi 11 marta ikki uchrashuvdan iborat pley-off uchrashuvlarida maydonga tushib, barchasida keyingi bosqichga yo‘llanma olgan. Jumladan «Monako»ga qarshi oldingi (1997/1998 va 2014/2015 yilgi mavsum) to‘qnashuvlarda ham;
—hech bir jamoa yarim finalda o‘z uyida 0:2 hisobida yutqazib, keyingi uchrashuvda o‘zi uchun kerakli bo‘lgan natijani qayd eta olmagan;
— «Monako»Italiyada o‘tkazgan yettita uchrashuvning birortasida ham g‘alaba qozona olmagan (1D, 6M);
— So‘nggi marta jamoa Italiya klubidan («Inter», YECHK, 1 raundi) o‘z uyida 54 yil muqqadam 1963/64 yilgi mavsumda mag‘lubiyatga uchragan.
— «Monako» 2004 yildan buyon ilk marta YECHL yarim finalida ishtirok etmoqda;
— «Yuventus» bu musobaqada o‘tkazgan o‘n bitta uchrashuvning faqat ikkitasida mag‘lubiyatga uchragan;
— «Yuventus»ning yarim finalga chiqishi 2006/07 yilgi mavsumdan boshlab, italyan jamoalari uchun to‘rtinchi natija sanaladi;
— Bungacha bo‘lgan uchta yarim final italiyaliklar uchun omadli kelgan «Milan» «Manchester Yunayted»ni (2007), Mourinyoning «Inter»i Gvardiola «Barselona»sini (2010), «Yuventus» esa ikki yil oldin «Real»ni ortda qoldirib finalga chiqqan. Hozircha barcha ko‘rsatkichlar ularning foydasiga ishlamoqda.

Yo‘qotishlar

«Yuventus» tarkibida Sami Xedira diskvalifikasiyadan qaytgan. Pyasa va Ruganida esa jarohat bor. Boshqa chiziqlarda turinliklar ortiqcha muammolarga duch kelishmagan.

«Monako» tarkibida Boshilya va Karilyo esa ancha vaqtdan buyon umuman jamoa o‘yinlarida ishtirok etmayapti. Benjamin Mendi va Turening maydonga tushishi esa so‘roq ostida qolmoqda.

Taxminiy tarkiblar

«Monako»da Ture o‘rnida Jibril Sidibe egallaydi. Mendi maydonga tushsa, chap qanotda muammo bo‘lmasligi aniq. Boshqa chiziqlarda esa eng kuchli tarkib maydonga tushishi ko‘zda tutilgan. «Yuventus»da esa Xedira yana Klaudio Markizioning o‘rnini egallashi kutilmoqda.

«Yuventus»: Buffon; Dani Alves, Bonuchchi, Kyellini, Aleks Sandro; Pyanich, Xedira, Kuadrado, Dibala, Manjukich, Higuain.
«Monako»: Subashich; Mendi, Jemerson, Glik, Cidibe; Bernardo Silva, Fabinyo, Bakayoko, Lemar; Mbappe, Falkao.