Bugun Oliy ligada 10-tur o‘yinlari start oladi.

Mirjalol Qosimov boshqaruvida «Bunyodkor» birinchi rasmiy o‘yinini bugun — 12 may kuni G‘uzorda «Sho‘rtan»ga qarshi o‘tkazadi.

Bunga qadar G‘uzorda mehmon bo‘lgan Toshkent klublaridan «Lokomotiv» 0:2, «Paxtakor» esa 0:3 hisobida imkoniyatni boy bergandi.

«Bunyodkor» esa Sergey Lushchan boshqaruvida 8 ta o‘yinning 2 tasida zafar quchdi va shunchasida mag‘lub bo‘ldi, 4 ta o‘yinda durang o‘ynadi. Natijada «qaldirg‘ochlar» Oliy liga turnir jadvalida 11-o‘rinni egallab turibdi.

Mirjalol Qosimov «Bunyodkor»ning yangi bosh murabbiyi sifatida 5 may kuni tanishtirilgan bo‘lsa-da, u klubni Osiyo Chempionlar ligasining 9 may kuni bo‘lib o‘tgan so‘nggi tur o‘yinidan keyin shug‘ullantirishni boshladi.

O‘zbekiston Oliy ligasi
10-tur bellashuvlari
12 may, juma

«Metallurg» — «So‘g‘diyona»
«Neftchi» — «Obod»
«Navbahor» — «Qo‘qon—1912»
«Sho‘rtan» — «Bunyodkor»
«Paxtakor» — «Buxoro»

13 may, shanba
«Dinamo» — «Nasaf»
«Lokomotiv» — «Qizilqum»
«Mash’al» — «Olmaliq»