Бугун Олий лигада 10-тур ўйинлари старт олади.

Миржалол Қосимов бошқарувида «Бунёдкор» биринчи расмий ўйинини бугун — 12 май куни Ғузорда «Шўртан»га қарши ўтказади.

Бунга қадар Ғузорда меҳмон бўлган Тошкент клубларидан «Локомотив» 0:2, «Пахтакор» эса 0:3 ҳисобида имкониятни бой берганди.

«Бунёдкор» эса Сергей Лушчан бошқарувида 8 та ўйиннинг 2 тасида зафар қучди ва шунчасида мағлуб бўлди, 4 та ўйинда дуранг ўйнади. Натижада «қалдирғочлар» Олий лига турнир жадвалида 11-ўринни эгаллаб турибди.

Миржалол Қосимов «Бунёдкор»нинг янги бош мураббийи сифатида 5 май куни таништирилган бўлса-да, у клубни Осиё Чемпионлар лигасининг 9 май куни бўлиб ўтган сўнгги тур ўйинидан кейин шуғуллантиришни бошлади.

Ўзбекистон Олий лигаси
10-тур беллашувлари
12 май, жума

«Металлург» — «Сўғдиёна»
«Нефтчи» — «Обод»
«Навбаҳор» — «Қўқон—1912»
«Шўртан» — «Бунёдкор»
«Пахтакор» — «Бухоро»

13 май, шанба
«Динамо» — «Насаф»
«Локомотив» — «Қизилқум»
«Машъал» — «Олмалиқ»