Ozarbayjon poytaxti Boku shahrida davom etayotgan IV Islom birdamlik o‘yinlarining tennis musobaqasi start oldi.
Olimpiya shaharchasidan 12km uzoqlikda joylashgan «Baku Tennis Akademiyasi» kortlarida bugun terma jamoamiz a’zolari o‘z raqiblariga qarshi bellashishdi. Ayollar termamiz mezbon Ozarbayjonlik raqiblariga hech qanday imkoniyat qoldirmagan holda keyingi bosqich yo‘llanmasiga ega bo‘lishdi. Yakkalik yo‘nalishida Kamola Umarova Alina Gavrishni 6:2, 6:0 hisobida, Sabina Sharipova esa Umayra Xamishovani 6:1, 6:1 hisoblarida mag‘lub etgan bo‘lishsa. Juftlik bahslarida Umarova va Merenkova tandemi Xamishova/Safarova juftligidan 6:2 va 6:0 hisoblarida ustunlikka ega bo‘lishdi.
Erkaklar yo‘nalishida terma jamoamiz Turkmaniston termasiga qarshi bahs olib bordi. Saida’lo Saidkarimov – Georgiy Pochay qarama-qarshiligida hamyurtimiz garchand birinchi setni 3:6 hisobida boy bergan bo‘lsada, keyingi setlarda 6:4, 7:5 hisoblarida zafar qucha oldi. Sergey Fomin va Yuriy Rogusskiy uchrashuvida esa tennischimiz 2:6, 6:4 va 4:6 hisobida imkoniyatni boy berib qo‘ydi. Shu tariqa keyingi bosqichga chiqish masalasi juftlik bahslaridan so‘ng aniqlanadigan bo‘ldi.
