Oliy liga 10-turidan o‘rin olgan “Metallurg” – “So‘g‘diyona” (3:1) uchrashuvidan keyin mezbonlar ustozi o‘z fikrini aytdi.
Abduqahhor Ma’rufaliyev, “Metallurg” FK murabbiyi: “Uchrashuvda tezkor kiritilgan gol futbolchilarimiz ruhiyatini ko‘tardi. G‘alaba yo‘lidagi ishimizni ancha yengillashtirdi. Uchrashuvga tayyorgarlik jarayonida “So‘g‘diyona”ning o‘yinlarini sinchiklab o‘rgangandik. Tarkibdagi yo‘qotishlar bois jizzaxliklar o‘zlarining eng yaxshi o‘yinlarini ko‘rsata olmadi, deb o‘ylayman. Biz mashg‘ulotlar davomida standart vaziyatlar ustida ko‘p ishladik. Uchta gol ham bosh bilan urilganligi mehnatlarimiz samarasiz ketmaganligini ko‘rsatdi. Jamoaning egallab turgan mavqeidan kelib chiqib aytadigan bo‘lsak biz uchun har bitta o‘yin finalga teng bo‘laveradi. Toshkentda “Bunyodkor”dan ochko olgandik, bugun “So‘g‘diyona”ni mag‘lubiyatga uchratdik. Jamoada yoshlarga ko‘proq e’tibor qaratayapmiz. Zero, tezkor, zamonaviy futbol namoyish etish uchun shunday ishlashda davom etish kerak, deb o‘ylayman”, - dedi Ma’rufaliyev.
