«Xebey Chayna Forchun» hujumchisi Esekiyel Lavessi Xitoyda shov-shuv ko‘targan fotosurati uchun uzr so‘radi.
Argentinalik futbolchi xitoyliklarning ko‘zi qisiq xalq ekaniga ishora qilib, suratga tushgan edi.
«Superliga iltimosiga ko‘ra bir necha fotosuratlarni tayyorlagandik. Ba’zilari qiziqarli va kulgili chiqishi uchun fotosuratchining iltimosi bilan shunaqa qildim.
Xitoy xalqini haqorat qilish niyatim yo‘q edi. Men «Xebey Chayna Forchun» klubida o‘ynayotganimdan mamnunman. Har bir xitoylik xushmuomaladir va men bu yerdagi hayotimdan zavqlanyapman» - dedi Lavessi The Telegraph xabarida.
Eslatib o‘tamiz, Lavessi dunyoning eng ko‘p maosh oluvchi futbolchisidir. Ba’zi xabarlarga ko‘ra, uning yillik ish haqi 49 mln yevroga teng.
