«Хэбей Чайна Форчун» ҳужумчиси Эсекиел Лавесси Хитойда шов-шув кўтарган фотосурати учун узр сўради.
Аргентиналик футболчи хитойликларнинг кўзи қисиқ халқ эканига ишора қилиб, суратга тушган эди.
«Суперлига илтимосига кўра бир неча фотосуратларни тайёрлагандик. Баъзилари қизиқарли ва кулгили чиқиши учун фотосуратчининг илтимоси билан шунақа қилдим.
Хитой халқини ҳақорат қилиш ниятим йўқ эди. Мен «Хэбей Чайна Форчун» клубида ўйнаётганимдан мамнунман. Ҳар бир хитойлик хушмуомаладир ва мен бу ердаги ҳаётимдан завқланяпман» - деди Лавесси The Telegraph хабарида.
Эслатиб ўтамиз, Лавесси дунёнинг энг кўп маош олувчи футболчисидир. Баъзи хабарларга кўра, унинг йиллик иш ҳақи 49 млн еврога тенг.
