Germaniya terma jamoasi bosh murabbiyi Yoaxim Lyov KOnfederasiyalar kubogi -2017 musobaqasida ishtirok etuvchi futbolchilardan iborat tarkibni e’lon qildi.
Nemislar ustozi Yoaxim Lyov tarkibga terma jamoaning bir qator yetakchilarini, xususan, jarohat olib mavsumning so‘nggi qismini o‘tkazib yuborgan «Bavariya» darvozaboni Manuel Noyerni, Tomas Myullerni, «Arsenal» yarimhimoyachisi Mesut O‘zilni, «Bavariya» himoyachilari Mats Hummels va Jerom Boatengni, «Borussiya» Dortmund vakillari Yulian Vaygl va Marko Roysni kiritmadi.
Yoaxim Lyov e’lon qilgan tarkib quyidagicha:
Darvozabonlar: Bernd Leno, Mark-Andre ter Shtegen, Kevin Trapp;
Himoyachilar: Mattias Ginter, Yonas Hektor, Benjamin Henrixs, Yozua Kimmix, Shkodran Mustafi, Marvin Plattenhardt Antonio Ryudiger, Niklas Shyule;
Yarimhimoyachilar: Yulian Brandt, Emre Jan, Kerim Demirbay, Diyego Demme, Yulian Draksler, Leon Goretska;
Hujumchilar: Sebastian Rudi, Leroy Sane, Lars Shtindl, Sandro Vagner, Timo Verner, Amin Yunus.
Eslatib o‘tamiz, Konfederasiyalar kubogi joriy yilning 17 iyunidan 2 iyuliga qadar Rossiyada bo‘lib o‘tadi. Germaniya o‘z guruhida Chili, Avstraliya va Kamerun bilan bahs olib boradi.
