Oliy liganing 11-turida «Qo‘qon-1912» o‘z maydonida mamlakat chempioni «Lokomotiv»ni qabul qildi.
Uchrashuvning ilk daqiqalaridan mezbonlar oldinga tashlanishdi. 5-daqiqada mezbonlarning burchakdan oshirilgan to‘pi “Loko” himoyachilarini shoshirib qo‘ydi. 8-daqiqada Marat Bikmayev tomonidan tepilgan to‘p biroz noaniq ko‘rinish oldi.
17-daqiqada mehmonlar burchak zarbasidan keyin xavfli vaziyat yaratishdi. Ammo darvozabon Muzaffar Abdullayev o‘zini ko‘rsatdi.
24-daqiqada Javohir Sidiqov bir nechta raqiblarni aldab o‘tib, darvoza tomon zarba yo‘lladi. Uning zarbasi biroz noaniq bo‘ldi.
32-daqiqa uchrashuvdagi eng xavfli vaziyat vujudga keldi. Suhrob Berdiyevning zarbasi kuchsiz chiqdi. Aks holda Nesterov qiyin ahvolda qolib ketishi hech gap emasdi.
35-daqiqa Murod Xolmuhammedovning jarimadan bergan zarbasi darvozaning shundoqina yonidan o‘tib ketdi.
Birinchi bo‘lim yakunlanishi arafasida mezbonlar futbolchisi Aleksandr Merzlyakov jarohat olib maydonni tark etishga majbur bo‘ldi. Aynan shu daqiqalarda mehmonlar ikki marta xavfli vaziyatlarni vujudga keltirishdi. Lekin ulardan foydalana olishmadi.
Hakam tomonidan qo‘shib berilgan daqiqa o‘tib borayotgan paytda Darko Gojkovich raqib darvozasini ishg‘ol etdi.
Ikkinchi taymni ham mezbonlar faol tarzda boshlashdi. 60-daqiqaga kelib mehmonlar darvozasi oldida ikkita xavfli vaziyat vujudga keldi. Ammo ulardan foydalana olishmadi.
78-daqiqada mehmonlar hisobni tenglashtirishdi. Himoyachi va darvozabonning tushunmovchiligi natijasida Bikmayev darvozani ishg‘ol etdi.
Uchrashuv davomida raqibdan biroz ustunlik qilgan mezbonlar alamli tarzda gol o‘tkazib yuborish natijasida ikki ochkodan mahrum bo‘lishdi.
Oliy liga, 11-tur
“Qo‘qon-1912” – “Lokomotiv” - 1:1 (1:0)
Gollar: Darko Gojkovich (45) – Marat Bikmayev (78).
Hakamlar: V. Seytlin (Toshkent), A. Snetkov (Toshkent vil.), A. Kalinin (Qarshi), A. Shukurullayev (Toshkent)
Nazoratchi: A. Arutyunov (Toshkent)
O‘zPFL vakili: B. Mametov
“Qo‘qon-1912”: 21. Muzaffar Abdullayev, 4. Bahodir Akramov (9. Nosir Otaqo‘ziyev – 84), 5. Jalil Kimsanov, 7. Jamshid Hasanov, 10. Javohir Sidiqov, 19. Suhrob Berdiyev, 23. Aleksandr Merzlyakov (8. Sobir Hamidov-38, 97. Oybek Rustamov-77), 26. Akmal Xolmurodov, 55. Darko Gojkovich, 77. Murod Xolmuhammedov, 99. Filip Rayevas.
Zaxira: 13. Nikita Ribkin, 11. Andrey Sidorov, 17. Avaz Mamatxo‘jayev, 24. Ibrohim Rahimov.
“Lokomotiv”: 1. Ignatiy Nesterov, 5. Kaxi Maxaradze, 10. Marat Bikmayev, 15. Sardor Mirzayev (77. Diyorbek Turopov-90+3), 22. Murod Bobojonov (18. Temur Kapadze-60), 28. Shuhrat Muhammadiyev, 29. Quvondiq Ro‘ziyev (11. Sadriddin Abdullayev-74), 33. Oleg Zoteev, 37. Sherzod Sayfiyev, 42. Muhammad Kone, 99. Jaloliddin Masharipov.
Zaxira: 12. Ma’mur Ikromov, 9. Ikrom Aliboyev, 17. Salim Mustafoyev, 20. Islom To‘xtaxo‘jayev.
