«Selta» hujumchisi Yago Aspas «Real»ga qarshi o‘yin hakamini haqorat qilganini tan olmadi.
AS xabariga ko‘ra, futbolchi bosh hakam Xuan Mununerga qo‘rqoqsan degan.
O‘yinning 62-daqiqasida hakam Aspasni jarima maydoni ichida mug‘ombirlik qilganlikda ayblab, ikkinchi sariq kartochkani ko‘rsatib, maydondan chetlatgan edi. Ammo ko‘pchilik Serxio Ramos unga nisbatan qoidani buzgan deb hisoblayotgandi. Shuningdek, hakamning qaroriga keskin norozilik bildirgan bosh murabbiy Ernesto Maruchchi va uning yordamchisi Eduardo Berisso ham chetlatildi.
O‘yin «Real»ning 4:1 hisobidagi g‘alabasi bilan yakunlandi.
