"Manchester Yunayted" bosh murabbiyi Joze Mourinyo APLning 28-turi qoldirilgan uchrashuvida "Sautgempton" bilan durangdan so‘ng (0:0) o‘yinda jarohat olgan yarimhimoyachi Maruan Fellaynining ahvoli haqida gapirdi.
"Bu borada Fellaynining tajribasi katta, uning aytishicha, bu muskul uzilishi emas. Ammo kichik muammo kattasiga aylanib ketishi mumkin. Keling, tekshiruv natijalarini kutamiz. Uni saqlay olmasdim, u o‘ynashi kerak edi, chunki u diskvalifikasiya tufayli uchta o‘yinni o‘tkazib yuborgandi. Voqeada o‘zimni ayblamayman, keling, tekshiruv natijalarini kutaylik", - deydi Mourinyo.
