Premyer-Liganing so‘nggi turida «qizil iblislar» «Kristal Pelas»ga qarshi bahs olib boradi. O‘yin yakshanba kuni bo‘lib o‘tadi. Mazkur bahsda jamoa ustozi Joze Mourinyo asosiy tarkibning deyarli barcha futbolchilariga dam berishga qaror qilgan. Maqsad Yevropa ligasi finaliga yaxshi tayyorgarlik ko‘rish.
Shuning uchun portugaliyalik mutaxassis oxirgi tur o‘yinida jamoaning yoshlar tarkibini maydonga tushirishi mumkin.
«Dunyoning barcha burchagida bunday o‘yinlar shanba kuni o‘tkaziladi. Biz oltinchi o‘rinni olib bo‘ldik, albatta «Kristal Pelas» ustimizdan uchib o‘tib keta olmaydi. Ammo maydonda oxirigacha kurashamiz.
Bu men uchun juda katta asabbuzarlik. Umid qilamanki, «Kristal Pelas»ga qarshi tarkibni ko‘rib meni o‘ldirib qo‘ymaysizlar.
Angliyada 7-yil ishlamoqdaman, ammo jamoalarim Yevrokubok musobaqalariga bu darajada tayanib o‘ynamagandi» — deydi Joze.
