Oliy Liga 11-tur uchrashuvlari doirasida “Lokomotiv” “Qo‘qon-1912” maydoniga safar uyushtirdi.
Mazkur uchrashuvga tayyorgarlik jarayonida jamoaning tajribali himoyachilaridan biri Islom To‘xtaxo‘jayev tizza bo‘g‘imini shikastlab oldi. Shu sababli mahoratli futbolchi o‘sha uchrashuv qaydnomasiga kiritilgan bo‘lsa-da, ammo maydonga tusha olmadi. Tibbiy tekshiruv natijalariga ko‘ra To‘xtaxo‘jayevning tizza bo‘g‘imi ichki yon boylami cho‘zilgan va qisman uzilgan bo‘lib chiqdi. Bu esa uning yaqin muddat ichiga mo‘ljallangan uchrashuvlarni o‘tkazib yuborishini bildiradi.
Ta’kidlash joizki, ayni damda Salamat Qutiboyev hamda Ikrom Aliboyev ham jarohatini davolash bilan band.
