Milanning “Inter” sport direktori Pyero Auzilio italiya klubining bugungi kundagi mavjud muammolari haqida gapirib o‘tdi. Jamoa so‘nggi 9 uchrashuvda zafar qucha olmayabdi. Ma’lumki, yaqindagina “Inter” Stefan Pioli bilan xayrlashgandi va undan oldin bu lavozimda Frank de Bur ishlagan edi. “Neradzurrilar” jiddiy moliyaviy va transfer imkoniyatlarga ega jamoa, ammo bundan biror bir foyda yo‘q.
“Bizda tarkib yomonmas. Yigitlar mashg‘ulotlardan birga kelishadi, birga nonushta qilishadi, faol ishlashadi. Ko‘rinishidan hech qanday muammo yo‘qday, ammo muammo bor. Chunki bizda jamoa ahil bo‘lib shakllanmagan. “Inter” futbolchilari kichik guruhlarga bo‘linib ketishgan, faqat o‘zi haqida o‘ylaydigan odamlar ko‘pchilikni tashkil etadi”, - deydi Auzilio.
