Manchester shahridagi "Manchester Arena" stadioni oldida ikkita portlash sodir bo‘ldi, deya xabar beradi Daily Mail.
Guvohlarning aytishicha, qo‘shiqchi ArianaGrandening konsertiga kelgan minglab tomoshabinlar o‘rtasida vahima paydo bo‘ldi. Dastlabki xabarlarga ko‘ra, qurbonlar bor.
"Ariana Grande o‘zining so‘nggi ashulasini aytdi va sahnani tark tdi. Shu mahal qattiq portlash ovozi eshitildi. Minglab odamlar bir vaqtning o‘zida stadionni tark etishga urindi, ular baqirishar va yig‘lar edilar. Atrof tutun va kuyik hidi bilan burqsidi. Bu dahshatli edi", - deydi guvohlardan biri.
Manchester polisiyasi portlash natijasida qurbonlar borligini tasdiqladi, yaralanganlar ham bor. Shahar aholisiga voqea joyidan yiroqroq bo‘lish maslahat berilmoqda.
"Manchester Arena" Yevropada eng katta yopiq stadioni bo‘lib, 21 ming tomomshabinni sig‘dira oladi. Bu yerda sport va boshqa tadbirlar o‘tkaziladi.
