Манчестер шаҳридаги "Манчестер Арена" стадиони олдида иккита портлаш содир бўлди, дея хабар беради Daily Mail.
Гувоҳларнинг айтишича, қўшиқчи АрианаГранденинг концертига келган минглаб томошабинлар ўртасида ваҳима пайдо бўлди. Дастлабки хабарларга кўра, қурбонлар бор.
"Ариана Гранде ўзининг сўнгги ашуласини айтди ва саҳнани тарк тди. Шу маҳал қаттиқ портлаш овози эшитилди. Минглаб одамлар бир вақтнинг ўзида стадионни тарк этишга уринди, улар бақиришар ва йиғлар эдилар. Атроф тутун ва куйик ҳиди билан бурқсиди. Бу даҳшатли эди", - дейди гувоҳлардан бири.
Манчестер полицияси портлаш натижасида қурбонлар борлигини тасдиқлади, яраланганлар ҳам бор. Шаҳар аҳолисига воқеа жойидан йироқроқ бўлиш маслаҳат берилмоқда.
"Манчестер Арена" Европада энг катта ёпиқ стадиони бўлиб, 21 минг томомшабинни сиғдира олади. Бу ерда спорт ва бошқа тадбирлар ўтказилади.
