Kecha Manchester shahridagi «Manchester Arena» konsert zalida terrorchilik harakati sodir etildi.
Zal ichida yuz bergan portlash oqibatida 20 nafar odam qurbon bo‘ldi, 50 dan ziyodi turli tan jarohatlarini olib, shifoxonaga yotqizildi.
UYEFA tashkiloti yuz bergan voqeani qoralab, tvitter sahifasida yozuv qoldirdi.
«UYEFA Manchesterda yuz bergan voqeadan dahshatga tushdi. Qurbon bo‘lgan va jabrlangan insonlarning oilasiga hamdardlik bildiramiz» - deyiladi bayonotda.
Manchesterdagi voqea 2005 yildan buyon Britaniya tarixida yuz bergan eng katta terakt deb hisoblanmoqda. O‘shanda London metrosida sodir etilgan portlashda 52 nafar inson hayotdan ko‘z yumgan edi.
