Кеча Манчестер шаҳридаги «Манчестер Арена» концерт залида террорчилик ҳаракати содир этилди.
Зал ичида юз берган портлаш оқибатида 20 нафар одам қурбон бўлди, 50 дан зиёди турли тан жароҳатларини олиб, шифохонага ётқизилди.
УЕФА ташкилоти юз берган воқеани қоралаб, твиттер саҳифасида ёзув қолдирди.
«УЕФА Манчестерда юз берган воқеадан даҳшатга тушди. Қурбон бўлган ва жабрланган инсонларнинг оиласига ҳамдардлик билдирамиз» - дейилади баёнотда.
Манчестердаги воқеа 2005 йилдан буён Британия тарихида юз берган энг катта теракт деб ҳисобланмоқда. Ўшанда Лондон метросида содир этилган портлашда 52 нафар инсон ҳаётдан кўз юмган эди.