O‘zbekiston Kubogi doirasidagi "Neftchi"-"Navbaxor" (1:0) bahsidan so‘ng, farg‘onaliklar bosh murabbiyi Andrey Fyodorov o‘z fikrlari bilan o‘rtoqlashdi.

«Bugun rejalarimizni to‘liq amalga oshirdik deb ayta olmayman, chunki mehmonlardagi chetlatish tufayli, ular asosiy etiborini himoyaga qaratgani bois, hujumlarimiz biroz samarasiz ko‘rinish oldi. Golli vaziyatlarni ko‘proq yaratgan bo‘lsak-da, ularni nihoyasiga yetkazishda sovuqqonlik va tajovuzkorlik yetishmadi.

Umumiy qilib aytadigan bo‘lsam, bugungi o‘yin va natijadan qoniqdim. Lekin, javob uchrashuvini hisobga olsak, bugun ko‘proq gol urish tarafdori edim.

Legionerlar? Lusevich jarohatdan keyin asta-sekin tiklanmoqda. Konsevoyga kelsak, unda iqlimimizga moslashish jarayoni qiyin o‘tmoqda. Bunday iqlimda o‘ynab ketishga tayyor emasligi bilinmoqda.

Chempionatmi yoki kubok? Har bir o‘yin biz uchun muhim sanaladi. Bu, Kubok o‘yini bo‘ladimi yoki chempionatmi, ahamiyati yo‘q. Chempionlar ligasiga chiqish kubokni egallash orqali osonroq. Lekin, buni har bir raqibimiz juda yaxshi his etadi» - dedi Fyodorov.