Kecha futzal bo‘yicha O‘zbekiston U-20 terma jamoasi tarixda ilk marotaba o‘tkazilayotgan Osiyo chempionati yarimfinalida Iroq yoshlariga qarshi bahs olib bordi.
Xose Mariya Mendez shogirdlari murosasiz o‘tgan bellashuvda 1:5 hisobida imkoniyatni boy berdi. Yarim finalning yana bir o‘yinida Eron U-20 termasi Tailand yoshlarini qo‘shimcha taymlarda 7:5 hisobida mag‘lubiyatga uchratdi.
O‘zbekiston U-20 terma jamoasi bugun, 25 may kuni musobaqaning uchinchi o‘rini uchun bahsda Tailand U-20 termasi bilan kuch sinashadi.
26 may kuniga belgilangan final bellashuvida Iroq U-20 va Eron U-20 terma jamoalari o‘zaro kurash olib boradi. Mazkur ikki jamoa 2018 yili o‘tkaziladigan yoshlar o‘rtasidagi (U-18) Olimpiya o‘yinlari futzal musobaqasiga yo‘llanmani qo‘lga kiritdi.
