Кеча футзал бўйича Ўзбекистон U-20 терма жамоаси тарихда илк маротаба ўтказилаётган Осиё чемпионати яримфиналида Ироқ ёшларига қарши баҳс олиб борди.

Хосе Мария Мендез шогирдлари муросасиз ўтган беллашувда 1:5 ҳисобида имкониятни бой берди. Ярим финалнинг яна бир ўйинида Эрон U-20 термаси Таиланд ёшларини қўшимча таймларда 7:5 ҳисобида мағлубиятга учратди.

Ўзбекистон U-20 терма жамоаси бугун, 25 май куни мусобақанинг учинчи ўрини учун баҳсда Таиланд U-20 термаси билан куч синашади.

26 май кунига белгиланган финал беллашувида Ироқ U-20 ва Эрон U-20 терма жамоалари ўзаро кураш олиб боради. Мазкур икки жамоа 2018 йили ўтказиладиган ёшлар ўртасидаги (U-18) Олимпия ўйинлари футзал мусобақасига йўлланмани қўлга киритди.