"Arsenal" bosh murabbiyi Arsen Venger turli musobaqalarda qo‘lga kiritilgan medallarini saqlamasligini va ularni klub ishchilariga berishini ma’lum qildi.
"Mening uyimda hech fanday medal yo‘q. Agar mehmon bo‘lsangiz ajablanasiz. Uyimda sovrinlar ham, medallar ham - xech narsa yo‘q. Men ularni har doim tarqatib yuboraman. Klubda har doim medal yetmay qolgan xodim bo‘ladi, men o‘shanga beraman. Berishga odam topiladi.
Men ortga qaramayman, har doim oldinga intilaman. Uyimda bo‘lsangiz, mening futbol murabbiy ekanligimni payqamaysiz. Men o‘zimni futboldan ayirmayman, men uning ichidaman. Ammo nima yutdik, nima yutmadik - o‘tmishga qaramayman. Xotiralarim yetarli", - deydi Venger.
Bugun 27 may kuni "Arsenal" Angliya kubogi finalida "Chelsi" bilan o‘ynaydi.
