"Арсенал" бош мураббийи Арсен Венгер турли мусобақаларда қўлга киритилган медалларини сақламаслигини ва уларни клуб ишчиларига беришини маълум қилди.
"Менинг уйимда ҳеч фандай медаль йўқ. Агар меҳмон бўлсангиз ажабланасиз. Уйимда совринлар ҳам, медаллар ҳам - хеч нарса йўқ. Мен уларни ҳар доим тарқатиб юбораман. Клубда ҳар доим медаль етмай қолган ходим бўлади, мен ўшанга бераман. Беришга одам топилади.
Мен ортга қарамайман, ҳар доим олдинга интиламан. Уйимда бўлсангиз, менинг футбол мураббий эканлигимни пайқамайсиз. Мен ўзимни футболдан айирмайман, мен унинг ичидаман. Аммо нима ютдик, нима ютмадик - ўтмишга қарамайман. Хотираларим етарли", - дейди Венгер.
Бугун 27 май куни "Арсенал" Англия кубоги финалида "Челси" билан ўйнайди.
