Франция терма жамоаси ва Мадриднинг «Реал» клуби таянч ярим ҳимоячиси Орельен Тчуамени Испания Ла Лигасини Англия Премьер-лигасига алмаштириши мумкин.

The Times журналистларининг берган маълумотларига кўра, «Манчестер Юнайтед» клуби ҳамон ушбу хавбек билан шартнома имзолашга жиддий қизиқиш билдирмоқда. «Қизил иблислар» франциялик футболчини бразилиялик Эдерсон билан жуфтликда ўйнатиш учун сотиб олмоқчи. Қайд этиш жоизки, «Аталанта» клуби аъзоси (Эдерсон)нинг трансфери деярли келишиб бўлинган.

Орельен Тчуаменининг трансфер қиймати Transfermarkt портали томонидан 75 миллион еврога баҳоланмоқда. Унинг мадридликлар билан амалдаги меҳнат шартномаси 2028 йилнинг ёзига қадар мўлжалланган. Якунланган мавсумда Тчуамени «Реал» сафида 49 та учрашувда майдонга тушиб, ўз ҳисобига 2 та гол ва 2 та голли узатмани ёздириб қўйган.