«Napoli» klubi hujumchisi Dris Mertens jamoa bilan imzolagan shartnomasini uzaytirdi.
Yangi bitimga ko‘ra, belgiyalik futbolchi 2021 yilgacha neapolliklar tarkibida qoladigan bo‘ldi. Uning tovon puli faqat xorijiy klublar uchun 30 mln yevro qilib belgilandi. 30 yoshli Mertensning maoshi yiliga 4 mln yevroni tashkil etadigan bo‘ldi.
Joriy mavsumning 34 o‘yinida Mertens 27 gol urib, 13ta golga hammualliflik qilgan.