"Roma" hujumchisi Franchesko Totti xayrlashuv nutqini so‘zladi.
"Afsuski, bu kun keldi, bu kunning hech qachon kelmasligini istagandim. Oxirgi vaqtlarda men haqimda aytilgan ajoyib so‘zlar... Hammaga rahmat.
Men aqlsizday yig‘ladim! Bu 25 yilni shunchaki unutib bo‘lmaydi. Hozir menga oson bo‘lmayotgan bo‘lsada, hammaga minnatdorchilik bildiraman. Men ayolim bilan bu 25 yil qanday o‘tgani haqida gaplashdim.
Otamga, onamga, akamga, oilamga va do‘stlarimga rahmat. Ayolim va uch farzandimga rahmat. Gapimni shundan boshlamoqchi dim, chunki gapimni oxiriga yetkaza olmayman degan hadiq bor edi.
Bularning barini bir necha so‘z bilan izhor qilib bo‘lmaydi. Buni she’r yoki poema tarzida yozishni istardim, ammo she’r yozishni unchalik qoyillata olmayman. Men hammasini oyoqlarim bilan o‘yin orqali yetkazishga harakat qildim. Shunda hammasi oddiy kechadi.
Bilasizmi, yoshligimda nima o‘ynashni sevardim? Futbolni! Hozirgacha shunday. Ammo qachonlardir ulg‘ayishing kerak. Menga bu haqida gapirishdi, vaqt hukmini chiqarib bo‘lganini aytishdi.
Vaqt yetib keldi va yelkamdan turtdi va ulg‘ayganimni aytdi. U rtadan boshlab katta kishi bo‘lganimni aytdi. Shortingni va butsalaringni yech, dedi, sen endi erkaksan, maydon chimini hidlashni, adrenalin va bayramlarni nishonlashdagi xursandchiliklarni bas qil, deb aytdi.
Oxirgi oylarda o‘zimga savol berdim: nima uchun bu tushdan uyg‘onishim kerak? Bilasizmi, yoshligingizda shirin tush ko‘rasiz va sizni onangiz uyg‘otadi va siz maktabga borishingiz kerak. O‘sha tushga qaytging keladi, ammo bu tushga hech qachon qaytib bo‘lmaydi.
Shu vaqt davomida intervyu bermaganim uchun va niyatlarimni bo‘lishmaganim uchun meni kechiring. Chiroqni o‘chirish oson bo‘lmadi. Endi men qo‘rqyapman. Shuning uchun yengil qo‘rquvni his qilishimga imkon bering. Hozir sizning ko‘magingizga muhtojman.
Hozir jamoadaoshlarimga, murabbiylarimga, klub rahbariyatig, ishqibozlarga rahmat aytishning vaqti. Men 28 yilimni "Roma"ga berganimdan baxtiyorman va faxrlanaman. Sizlarni sevaman", - deydi Totti.
