«Roma» klubi bosh murabbiy Luchano Spalletti iste’fosini tasdiqladi.
Mavsum yakuniga ko‘ra, Rim klubi chempion «Yuventus»dan 4 ochko ortda qolib, 2-o‘rinni egalladi va YECHL yo‘llanmasini qo‘lga kiritdi.
«Spalletti boshchiligida «Roma» o‘tgan mvasumda o‘z tarixida eng ko‘p ochko jamg‘arib, eng ko‘p gol urishga muvaffaq bo‘ldi. Biz Luchanoga keyingi faoliyatida omad tilaymiz» - dedi klub prezidenti Jyeyms Pallotta.
Avvalroq, Spallettining «Inter» klubiga tayinlanishi haqida xabarlar chiqqan edi. «Roma»ni esa «Sassuolo»ning sobiq ustozi Eusebio Di Franchesko boshqarishi kutilmoqda.
