«Рома» клуби бош мураббий Лучано Спаллетти истеъфосини тасдиқлади.
Мавсум якунига кўра, Рим клуби чемпион «Ювентус»дан 4 очко ортда қолиб, 2-ўринни эгаллади ва ЕЧЛ йўлланмасини қўлга киритди.
«Спаллетти бошчилигида «Рома» ўтган мвасумда ўз тарихида энг кўп очко жамғариб, энг кўп гол уришга муваффақ бўлди. Биз Лучанога кейинги фаолиятида омад тилаймиз» - деди клуб президенти Жеймс Паллотта.
Аввалроқ, Спаллеттининг «Интер» клубига тайинланиши ҳақида хабарлар чиққан эди. «Рома»ни эса «Сассуоло»нинг собиқ устози Эусебио Ди Франческо бошқариши кутилмоқда.
