«Real» sardori Serxio Ramos «Yuventus»ga qarshi bo‘ladigan Yevropa chempionlar ligasi finali oldidan o‘z fikrlarini bildirib o‘tdi.

«Bu juda va juda muhim o‘yin. Bizga qarshi kuchli raqib o‘ynaydi. Maydonga chiqib, ajoyib jamoa ekanimizni isbotlash uchun bu yana bir imkoniyat. Biz zalvorli ko‘rinmoqdamiz. Har safar sovrinni qo‘lga kiritish imkoniyati paydo bo‘lganida, uni yutib olyapmiz. Biz bor e’tiborimizni o‘yinga qaratganmiz. Iloji boricha kamroq xato qilishga harakat qilamiz.

Finalni har ikkala jamoa noldan boshlaydi. Chempionatdagi g‘oliblik ertaga bizga yordam beradi, deb o‘ylamayman. Aksincha, xalal berishi mumkin. Chempionatda g‘olib chiqqanimizdan xursandmiz, boisi, oldimizga qo‘yilgan vazifaga erishdik. Jamoa o‘zini juda yaxshi his qilmoqda. Biz katta hajmdagi ishni amalga oshirdik. Ertaga bizni qiyin o‘yin kutib turibdi. Imkoniyatlar esa 50 ga 50.

Final bahslari boshqa o‘yinlardan farq qiladimi yoki yo‘qmi, bilmadim, lekin biz maydonda o‘z ishimizni qilamiz. Jamoamizdan, muxlislardan aynan shu talab qilinadi. Maydonni tark etayotib, sen qoniqish hissini tuyushing kerak. Biz yaratgan tarix barchasidan dalolat bermoqda.

Biz o‘tmish bilan yashamoqchi emasmiz, lekin Madrid va bizning ruhiyatimiz oxirigacha kurashishga majbur qiladi. Hatto hech qanday umid qolmagandek ko‘ringan vaziyatda ham, biz final hushtagi yangraguncha kurashishda davom etamiz. Umid qilaman, ertaga Lissabonda bo‘lgan o‘yindagidek qiyin bo‘lmaydi. Shubhasiz, butun jamoa maksimal motivasiyaga ega», – dedi Ramos.