«Реал» сардори Серхио Рамос «Ювентус»га қарши бўладиган Европа чемпионлар лигаси финали олдидан ўз фикрларини билдириб ўтди.

«Бу жуда ва жуда муҳим ўйин. Бизга қарши кучли рақиб ўйнайди. Майдонга чиқиб, ажойиб жамоа эканимизни исботлаш учун бу яна бир имконият. Биз залворли кўринмоқдамиз. Ҳар сафар совринни қўлга киритиш имконияти пайдо бўлганида, уни ютиб оляпмиз. Биз бор эътиборимизни ўйинга қаратганмиз. Иложи борича камроқ хато қилишга ҳаракат қиламиз.

Финални ҳар иккала жамоа нолдан бошлайди. Чемпионатдаги ғолиблик эртага бизга ёрдам беради, деб ўйламайман. Аксинча, халал бериши мумкин. Чемпионатда ғолиб чиққанимиздан хурсандмиз, боиси, олдимизга қўйилган вазифага эришдик. Жамоа ўзини жуда яхши ҳис қилмоқда. Биз катта ҳажмдаги ишни амалга оширдик. Эртага бизни қийин ўйин кутиб турибди. Имкониятлар эса 50 га 50.

Финал баҳслари бошқа ўйинлардан фарқ қиладими ёки йўқми, билмадим, лекин биз майдонда ўз ишимизни қиламиз. Жамоамиздан, мухлислардан айнан шу талаб қилинади. Майдонни тарк этаётиб, сен қониқиш ҳиссини туюшинг керак. Биз яратган тарих барчасидан далолат бермоқда.

Биз ўтмиш билан яшамоқчи эмасмиз, лекин Мадрид ва бизнинг руҳиятимиз охиригача курашишга мажбур қилади. Ҳатто ҳеч қандай умид қолмагандек кўринган вазиятда ҳам, биз финал ҳуштаги янграгунча курашишда давом этамиз. Умид қиламан, эртага Лиссабонда бўлган ўйиндагидек қийин бўлмайди. Шубҳасиз, бутун жамоа максимал мотивацияга эга», – деди Рамос.