«Real» hujumchisi Krishtianu Ronaldu qaysi nuqtada to‘p surishni yoqtirishini aytdi.
«Odamlar meni hujumchi deb o‘ylaydi, ammo hech qachon hujumchi bo‘lmaganman. Men yarimhimoyachi sifatida deyarli 600ta gol urganman. Bu nuqtamni o‘zgartirmoqchi emasman.
Hammasi murabbiy tanlagan taktikaga bog‘liq. Men erkinroq harakat qilishni yoqtiraman. Menga 4-4-2 sxemasi ko‘proq yoqadi. Biroq, bu 4-3-3 sxemasini yoqtirmayman degani emas, chunki bunda boshqacharoq harakat qilishimga to‘g‘ri keladi.
Finalda penaltilar seriyasi? Bundan cho‘chimayman. Menga tavakkal qilish yoqadi. Bu o‘lim yoki hayot uchun tavakkal emasku?! Men penaltidan gol urishim ham mumkin, urolmasligim ham mumkin» - dedi Ronaldu.
