Chempionlar ligasining 2016/17 mavsumida «Yuventus» eng ko‘p daromadga ega bo‘ldi.
Finalda yutqazgan turinliklar 109 mln yevro ishlab oldi, deb xabar bermoqda AS. Qizig‘i shundaki, kubok sohibi bo‘lgan «Real» «Yuventus»ga qaraganda 28 mln kam daromad olgan.
Musobaqani chorakfinalda tark etgan «Lester» 78 mln yevro, «Napoli» esa 66 mln yevro daromad olgan. Yarimfinalgacha yetib kelgan «Monako» 64 mln yevro bilan kifoyalangan. Keyingi o‘rinlarni «Arsenal» (62 mln), «Barselona» (61 mln), «Atletiko» (60 mln), PSJ (56 mln) va «Bavariya» (55 mln) eggalagan.
Eslatib o‘tamiz, 2015/16 mavsumda eng ko‘p daromadni «Manchester Siti» olgan edi - 83,9 mln yevro.
