Oliy ligada yuzaga kelgan tanaffusdan foydalanib, Chirchiq shahrida «Qo‘qon 1912» va «Qizilqum» nazorat o‘yinini o‘tkazdi.
Qo‘qonliklar tarkibida jarohat olgan Aleksandr Merzlyakov, shuningdek, terma jamoa ixtiyorida bo‘lib turgan Javohir Sidiqov va Murod Holmuhammedov bugungi bahsda ishtirok eta olmadi.
O‘yinni qo‘qonliklar faol tarzda boshlashdi. Natijada 2-daqiqadayoq Rayevas juda qulay imkoniyatdan foydlana olmadi. Rahimovning o‘ng qanotdan oshirgan to‘pini Rayevas yaqin masofadan darvozaga to‘g‘ri yo‘llashni uddalolmadi.
16-daqiqada Hamidov-Akramov-Rahimov-Akramov kombinasiyasi chiroyli chiqdi. So‘nggi zarba ham aniq bo‘ldi. Darvozabon o‘z o‘rnida.
21-daqiqada mehmonlar hisobni ochishdi. Gevorkyanning o‘ng qanotdan oshirgan pasini Otabek Zokirov darvozaga joylab qo‘ydi.
Gol o‘tkazib yuborgach, qo‘qonliklar katta kuch bilan hujumga tashlanishdi. 37-daqiqaga kelib bu o‘z samarasini berdi. Rayevas himoyachilarning xatosidan unumli foydalanib, Rahimovga qulay tarzda to‘pni uzatdi. «Kafu» esa zarbada adashmadi va hisobni tenglashtirdi.
Ikkinchi bo‘lim ham shiddatli tarzda boshlandi. 56-daqiqada Rayevasga nisbatan qo‘pollik ishlatgan Fayzulla Qambarovga hakam ikkinchi sariq va qizil kartochka ko‘rsatdi. O‘rtoqlik o‘yini bo‘lgani uchun qizil olgan futbolchi o‘rniga boshqasi maydonga tushdi.
71-daqiqada navoyiliklar darvozani ikkinchi marta ishg‘ol qilishdi. Fayzulla Qambarov o‘rniga maydonga tushgan Azamat Allaniyozov boshi bilan Aziz Ashurov qo‘riqlayotgan darvozani aniq nishonga oldi.
So‘nggi daqiqalar o‘tib borayotgan paytda qo‘qonliklar hisobni tenglashtirishga muvaffaq bo‘lishdi. Andrey Sidorov yaqin masofadan shunaqa kuchli zarba yo‘lladiki, go‘yo darvoza to‘ri yirtilib ketadigandek tuyuldi. Shu tariqa, futbolchilar nazorat uchrashuvida durang natija qayd etishdi.
O‘rtoqlik uchrashuvi
“Qo‘qon-1912” – “Qizilqum” – 2:2 (1:1)
Gollar: Ibrohim Rahimov (37), Andrey Sidorov (90) – Otabek Zokirov (21), Azamat Allaniyozov (71).
«Qo‘qon-1912»: 13. Nikita Ribkin, 4. Bahodir Akramov, 5. Jalil Kimsanov, 7. Jamshid Hasanov, 8. Sobir Hamidov, 19. Suhrob Berdiyev, 24. Ibrohim Rahimov, 26. Akmal Xolmurodov, 55. Darko Gojkovich, 85. Ruslan Melziddinov, 99. Filip Rayevas.
Zaxira: 12. Aziz Ashurov, 21. Muzaffar Abdullayev, 9. Nosir Otaqo‘ziyev, 17. Avazxon Mamatxo‘jayev, 25. Iqbol Malikjonov, 96. Muhammadanas Hasanov, 97. Oybek Rustamov.
“Qizilqum”: Artem Makosin, Shukurali Po‘latov, Fayzulla Qambarov, Sherali Jo‘rayev,
G‘ayrat Jumayev, Erkin Boydullayev, Ilhom Yunusov, Artur Gevorkyan, Jasur Hasanov, Otabek Zokirov, Vohid Shodiyev.
