UYEFA tashkiloti yevrokuboklarda o‘zini namoyon qilgan futbolchilar uchun 5ta yangi sovrinni joriy qildi.
Dastlabki 4ta sovrin Chempionlar ligasining eng yaxshi darvozaboni, himoyachisi, yarimhimoyachisi va hujumchisi uchun mo‘ljallangan. Yana bir sovrin Yevropa ligasining eng yaxshi futbolchisiga topshiriladi.
Barcha mukofotlar 24 va 25 avgust kunlari Chempionlar va Yevropa ligasining yangi mavsumi uchun qur’a tashlash marosimida o‘z egalariga topshiriladi. Yevropaning eng yaxshi futbolchisi va eng yaxshi ayol futbolchisi ham an’anaviy tarzda mana shu tadbirda aniqlanadi.
Bundan tashqari, faoliyati davomida katta muvaffaqiyatlarga erishgan italiyalik futbolchi Franchesko Totti ham maxsus sovrin bilan taqdirlanadi.