УЕФА ташкилоти еврокубокларда ўзини намоён қилган футболчилар учун 5та янги совринни жорий қилди.
Дастлабки 4та соврин Чемпионлар лигасининг энг яхши дарвозабони, ҳимоячиси, яримҳимоячиси ва ҳужумчиси учун мўлжалланган. Яна бир соврин Европа лигасининг энг яхши футболчисига топширилади.
Барча мукофотлар 24 ва 25 август кунлари Чемпионлар ва Европа лигасининг янги мавсуми учун қуръа ташлаш маросимида ўз эгаларига топширилади. Европанинг энг яхши футболчиси ва энг яхши аёл футболчиси ҳам анъанавий тарзда мана шу тадбирда аниқланади.
Бундан ташқари, фаолияти давомида катта муваффақиятларга эришган италиялик футболчи Франческо Тотти ҳам махсус соврин билан тақдирланади.
