An’anaviy Audi Cup—2017 turniri 1—2 avgust kunlari bo‘lib o‘tadi.
Musobaqa mezboni hisoblangan Myunxenning «Bavariya» klubi unga Angliya, Ispaniya va Italiyaning ko‘zga ko‘ringan jamoalarini taklif qildi. Bular: «Liverpul», «Atletiko» hamda «Napoli».
Qiziq tomoni, «Bavariya»ning o‘zini inobatga olmasa, qolgan klublar o‘z chempionatida chempionlikni qo‘lga kirita olmagan. Yurgen Klopp boshchilik qilayotgan «mersisayd» klubi APLni kuchli to‘rtlikda yakunlagan bo‘lsa, «Napoli» A seriyada, «Atletiko» esa La ligada uchinchi bo‘lishga erishdi.
Audi Cup—2017 musobaqasi yarim final bellashuvlaridan start oladi. Unga hozircha qur’a tashlanganicha yo‘q. Birinchi uchrashuvda g‘olib chiqqan klublar finalda to‘p suradi.
